5 სააღდგომო ფილმი – სააღდგომო დღეებისთვის

nugo July 11, 2021

სააღდგომო დღეებია და ყველანი ვისვენებთ. უკვე შეიღება კვერცხები, ხვალ კი აღდგომის დღესასწაულს აღვნიშნავთ. გთავაზობთ 5 შთამბეჭდავ სააღდგომო ფილმს – სააღდგომო დღეებისთვის:

იესო ნაზარეველი (1977)

იესო ნაზარეველი

ფრანკო ძეფირელის ოთხ-სერიანი დრამა დღემდე იესო ქრისტეზე შექმნილ საუკეთესო ეკრანიზაციად ითვლება. მინი-სერიალი მოგვითხრობს ქრისტეს ცხოვრებაზე, დაბადებიდან ჯვარცმისა და აღდგომის ჩათვლით.

ქრისტეს ვნებანი (2004)

ქრისტეს ვნებანი

ფილმი, რომელმაც გამოსვლისთანავე დიდი აჟიოტაჟი გამოიწვია და მაყურებლებისგან მწვავე კრიტიკა დაიმსახურა. ბევრი შემთხვევაა ცნობილი, როდესაც მაყურებლებს კინოთეატრებში გული მისდიოდათ. მელ გიბსონის სურათი მაცხოვრის ბოლო 12 საათს აღწერს და მისი წამების სცენებს ძალიან რეალისტურად აცოცხლებს.

იესო ქრისტე სუპერვარსკვლავი (1973)

სუპერვარსკვლავი

მაყურებლებისგან ასევე მწვავედ გაკრიტიკებული ფილმი, რომელიც ქრისტეს ცხოვრების ბოლო რამდენიმე კვირას აღწერს და როკ-ოპერის ეკრანულ ადაპტაციას წარმოადგენს.

ბენ ჰური (1959)

ბენ ჰური

ბენ ჰური მოგვითხრობს ებრაელი დიდგვაროვნის შესახებ, რომელიც მეგობრის ღალატის გამო მონად იქცა. თუმცა, ის თავის დახსნას ახერხებს და სამშობლოში შურის საძიებლად ბრუნდება. ბევრმა არ იცის, რომ ბენ ჰური არის პირველი ფილმი კინოს ისტორიაში, რომელმაც ოსკარების 11 კატეგორიაში გაიმარჯვა.

მათეს სახარება (1964)

მათეს სახარება

პიერ პაოლო პაზოლინის ფილმი აღწერს იესოს ცხოვრებას მათეს სახარების მიხედვით. დიალოგები პირდაპირაა აღებული მათეს სახარებიდან, რადგან პაზოლინის სიტყვებით: კადრებით ვერაფრით გადმოიცემოდა ამ ტექსტის პოეტური მნიშვნელობა… 2015 წელს ვატიკანმა მათეს სახარება დაასახელა საუკეთესო ფილმად, რომელიც კი ოდესმე ქრისტეზე შექმნილა.

 

სხვა სააღდგომო ფილმების ნახვა შეგიძლიათ ამ ლინკზე:

https://net.adjaranet.com/CollectionPage/main?id=64