5 საუკეთესო მილიტარისტული სერიალი

nugo July 11, 2021

ისტორიული ჟანრის მსგავსად, ხშირად მილიტარისტულ ფილმებსა თუ სერიალებს რეალური მოვლენები უდევს ხოლმე საფუძვლად. ნებისმიერ შემთხვევაში, ესაა ჟანრი, რომელიც რეალისტურობისა და საყვარელი გმირების მუდმივი საფრთხის გამო მაყურებელში ძალიან მძაფრ ემოციებს იწვევს. გთავაზობთ 5 საუკეთესო მილიტარისტულ სერიალს:

ჯარისკაცთა საძმო

ჯარისკაცთა საძმო

1942 წელი. მეორე მსოფლიო ომი. რამდენიმე ჯარისკაცი წვრთნას იწყებს და საჰაერო-სადესანტო დივიზიად ყალიბდება. D-დღეს პირველ საათებში ისინი დესანტის დასახმარებლად მტრის ხაზის უკან ეშვებიან პარაშუტებით და მნიშვნელოვან როლს თამაშობენ ოპერაცია Market Garden-შიც. ესაა დიდი სიმამაცისა და გამძლეობის ათ-ეპიზოდიანი ისტორია, რომლის პროდიუსერებიც სტივენ სპილბერგი და ტომ ჰენკსი არიან.

სპეცრაზმი

სპეცრაზმი

სიუჟეტის ცენტრში ამერიკული საიდუმლო დანაყოფია. სერიალი აღწერს როგორც დანაყოფის ხიფათით აღსავსე სამუშაოს, ასევე მის წევრთა ოჯახურ ცხოვრებას; გავლენას, რომელიც მათ სამუშაოს აქვს მათ პირად ურთიერთობებზე. მილიტარისტულ ჟანრში სპეცრაზმი დღემდე ერთ-ერთი ყველაზე პოპულარული სერიალია.

სიკვდილის თაობა

სიკვდილის თაობა

7-ეპიზოდიანი მინი-სერიალი მოგვითხრობს საზღვაო ქვეითების ცხოვრებას ერაყში, საომარი მოქმედებების დასაწყისში. სატელევიზიო შოუ ეფუძნება Rolling Stone-ის ჟურნალისტის მასალებს, რომელიც იქ იმყოფებოდა 2003 წელს ამერიკის არმიის ბაღდადზე შეტევისას.

გრძელი გზა შინისაკენ

გრძელი გზა შინისაკენ

კვლავ ერაყი, კვლავ ომი. სერიალი 2007 წლის ამავე სახელწოდების გახმაურებულ წიგნს ეფუძნება და აღწერს 2004 წლის 4 აპრილის მოვლენებს, როდესაც ამერიკელი ჯარისკაცები ბაღდადში ალყაში მოექცნენ, რასაც რამდენიმე მათგანის სიცოცხლე შეეწირა. ეს დღე ამერიკის ისტორიაში შავი კვირის სახელით შევიდა.

ზღვის ლომები

ზღვის ლომები

ამერიკული არმიის ელიტარული დაჯგუფება, რომელსაც ყველაზე რთული და საპასუხისმგებლო დავალებების შესრულება უწევს. სერიალი მოგვითხრობს, თუ როგორ გეგმავენ და ახორციელებენ ზღვის ლომები სახიფათო მისიებს თავიანთი ქვეყნისთვის, რაც მუდმივ საფრთხესა და სასიკვდილო რისკს ნიშნავს.

 

სხვა მილიტარისტული ფილმების და სერიალების ნახვა შეგიძლიათ ამ ლინკზე:

https://net.adjaranet.com/CollectionPage/main?id=286