5 საუკეთესო ფილმი, რომელიც ბუდიზმის გავლენით შეიქმნა

nugo July 11, 2021

ბუდიზმის მოძღვრების მთავარი წესია, არ ილაპარაკო მოძღვრებაზე. ის, ვინც ხმამაღლა ითხოვს ცხოვრებისა და რეალობის არსის გაგებას, ვერასდროს გაიგებს მას. გთავაზობთ 5 ფილმს, რომელიც მნიშვნელოვან კითხვებს სვამს და ბუდისტური სწავლების ასპექტებს ეხება:

გაზაფხული, ზაფხული, შემოდგომა, ზამთარი… და ისევ გაზაფხული (2003)

გაზაფხული, ზაფხული

მცურავი ტაძარი ულამაზეს ტბაზე. ბუდისტი ბერი და მისი მოწაფე თავიანთი ასკეტური და უბრალო ცხოვრებით ცხოვრობენ – გაზაფხულზე, ზაფხულში, შემოდგომაზე, ზამთარში… და ისევ გაზაფხულზე. სამხრეთ კორეელი რეჟისორის, კი-დუკ კიმის ფილმი გვასწავლის, რომ ჯერ ყველაფერი იბადება, მერე იზრდება, მერე კი ქრება, წელიწადის დროების მსგავსად.

კუნდუნი (1997)

კუნდუნი

მარტინ სკორსეზეს ეპიკური ბიოგრაფიული ფილმი ტიბეტის პოლიტიკური და სულიერი ლიდერის, მე-14 დალაი-ლამას – ტენძინ გიაცოს ცხოვრებაზე გვიყვება. ფილმი ერთგვარი მედიტაციაა. კუნდუნი კი – საჩუქარს ნიშნავს და ის დალაი-ლამას ერთ-ერთი წოდებაა.

ნისლიანი მთვარე წვიმის შემდეგ (1953)

ნისლიანი მთვარე

სიუჟეტი მე-16 საუკუნეში, იაპონიის სამოქალაქო ომის დროს ვითარდება. ტრაგიკული მოვლენები მას შემდეგ იწყება, რაც ორი გლეხი, თავიანთი ამბიციების დასაკმაყოფილებლად, თიხის ჭურჭელს გაყიდის. ერთ-ერთი მდიდრდება და ახალი ცხოვრებისეული ინტერესები უჩნდება, მეორეს კი ოცნებად აქვს, გახდეს სამურაი. იაპონელი რეჟისორის, კენძი მიძოგუჩის ეს ფილმი არის ზღაპარი ტკივილზე, ოჯახზე, სიყვარულსა და ომზე; ისტორია, რომელიც გვიჩვენებს, რომ ამბიციურმა გადაწყვეტილებებმა შესაძლოა უამრავი ტანჯვა მოგვაყენოს, სანამ საკუთარ ეგოიზმს არ გავაცნობიერებთ და სიმართლეს დავინახავთ.

ბირმული ქნარი (1956)

ბირმული ქნარი

მეორე მსოფლიო ომი და იპონელი ჯარისკაცების თავგანწირული ბრძოლა. ერთ-ერთი მათგანი იკარგება. ჯარისკაცები სიმართლის დადგენას ცდილობენ: გადარჩა მათი მეგობარი? ნუთუ, ერთი და იგივე პიროვნება არიან ის და ბუდისტი ბერი, რომელიც ქნარზე უკრავს?

შადრევანი (2006)

შადრევანი

დარენ არანოვსკის უნიკალურ ფილმში მოვლენები სამ სხვადასხვა დროში ვითარდება: თანამედროვე დროში, სადაც ჰიუ ჯეკმანის პერსონაჟის ცოლი – იზი კიბოთი კვდება; წარსულში, სადაც დედოფლის მსახური უკვდავების ხეს ეძებს და მომავალში, სადაც იზი გარდაცვლილია და ჯეკმანის გმირი ცდილობს, ცოლს სიცოცხლე დაუბრუნოს. ამ სამი დროდან რეალური მხოლოდ აწყოა, დანარჩენი კი მთავარი გმირის მოგზაურობაა საკუთარ ცნობიერებაში, რაც არანოვსკიმ გასაოცარი ვიზუალით გადმოსცა.

 

წყარო: www.tasteofcinema.com