5 სერიალი იმაზე, რომ სიმდიდრე ყველაფერს არ ნიშნავს

nugo July 11, 2021

მდიდრული სასახლეები, ძვირადღირებული ტანისამოსი, მილიონები ანგარიშზე, ამასთან ერთად მათი უამრავი საიდუმლო და ტრაგედია, ვისთვისაც სიმდიდრე ყოველდღიურობის ჩვეულებრივი ელემენტია. დღევანდელ კოლექციაში თავი მოვუყარეთ ხუთ სერიალს, რომლებშიც ადამიანები როგორც წარმატებულები, ისე უბედურები არიან (სიმდიდრის მიუხედავად).

პატრიკ მელროუზი (2018)

ნარკოტიკზე დამოკიდებული არისტოკრატის ისტორია, რომელიც ბავშვობაში მიღებულ ტრამვას გაურბის. ესთეტიკური კადრები, დრამის სიმძიმე, პერსონაჟების ჰარმონია და სასიამოვნო მუსიკა ფონად. ეს ის შემთხვევაა, როდესაც ჯერ კიდევ სერიალის გამოსვლამდე ყველა დარწმუნებული იყო, რომ პროექტი წარმატებული იქნებოდა. უნდა აღინიშნოს ბენედიქტ კამბერბეტჩის ფენომენალური სამსახიობო შესრულება, ეს როლი შეიძლება ითქვას, საუკეთესოა მის კარიერაში, რომელმაც ოქროს გლობუსზე ნომინაციაც მოუტანა.

ნდობა (2018)

საიმონ ბოფოის და დენი ბოილის ანტოლოგია მდიდარი ჟან-პოლ გეტის ოჯახზე. პირველი სეზონი მისი შვილიშვილის გატაცებას ეძღვნება, რომელზეც რიდლი სკოტმა არც ისე დიდი ხნის წინ გადაიღო ფილმი “სამყაროს მთელი სიმდიდრე”. მთავარი უპირატესობა, რაც ამ სერიალს აქვს ფილმთან შედარებით, მისი ხანგრძლივობაა, რამაც საშუალება მისცა შემქმნელებს დეტალურად ეჩვენებინათ ცნობილი გატაცების ისტორია.

მილიარდები (2016- )

სერიალი, რომელიც ყოველწლიურად უფრო და უფრო მეტ წარმატებას აღწევს, მილიარდელისა და პროკურორის დაპირისპირების ისტორიას მოგვითხრობს. მთაავრ როლებს სერიალში დემიან ლუისი და პოლ ჯიამატი ასრულებენ. საინტერესო, დინამიკური და მოულოდნელობებით სავსე სერიალი, რომლის არც ერთი ეპიზოდი არ მოგცემთ მოწყენის საშუალებას. ნიუანსები, დეტექტიური სვლები, ფიქრი გმირების მოქმედებებზე და მათ მოტივაციებზე – მაყურებლისთვის ნამდვილად სასიამოვნო იქნება.

მემკვიდრეობა (2018- )

ოჯახური საგა მედიამაგნატების დინასტიაზე. კლანის სათავეში 80 წლის პატრიარქი დგას, რომელიც უფრო ენერგიული მემკვიდრისთვის სამეფო ტახტის გადასაცემად ემზადება. “მემკვიდრეობაში” არის ყველაფერი, რის გამოც მაყურებელს უყვარს მსგავსი შოუები: საინტერესო სიუჟეტი საინტერესო პერსონაჟებით. სერიალზე ოსკარზე “დიდი შემცირებისთვის” ნომინირებული ადამ მაკეი, ჯესი არმსტრონგი და კომიკოსი უილ ფარელი მუშაობდნენ.

ამერიკული კრიმინალური ისტორია

რაიან მერფის მიერ ეფექტურად გადაღებული ანტოლოგია ცნობილ დანაშაულებზე, რომელსაც ოთხი ოქროს გლობუსი აქვს მიღებული, მათ შორის ორი საუკეთესო მინისერიალისა ან სატელევიზიო ფილმისთვის. აქვე უნდა აღინიშნოს, რომ სერიალი რეალურ მოვლენებს ეყრდნობა. პირველი თავი ო. ჯეი სიმპსონის სასამართლო პროცესის შესახებ მოგვითხრობს, მეორე – იტალიელი დიზაინერის ჯანი ვერსაჩეს მკვლელობაზე. ასევე უნდა აღინიშნოს, რომ შემქმნელებმა სერიალში არაჩვეულებრივ სამსახიობო ანსამბლს მოუყარეს თავი.