5 სკანდინავიური სერიალი, რომელიც არ უნდა გამოტოვოთ

სერიალების მოყვარულებს სკანდინავიური სერიალები ხშირად ყურადღების მიღმა გვრჩება, რაც არა მათი ხარისხის, არამედ იმის ბრალია, რომ ჩვენ შეჩვეულები ვართ ჰოლივუდს. გთავაზობთ სხვადასხვა ჟანრის – 5 გამორჩეულ სკანდინავიურ სერიალს, რომელიც არ უნდა გამოტოვოთ:

ხიდი

დანია-შვედეთის დამაკავშირებელ ხიდზე პოლიცია დანაწევრებულ გვამს პოულობს. სხეულის ერთი ნაწილი – შვედეთის მხარესაა, მეორე ნაწილი კი – დანიის. ქვეყნები თანამშრომლობაზე თანხმდებიან. შვედეთი საქმეს გამომძიებელ საგა ნორენს აბარებს… აუტიზმის სინდრომის მქონე საგა ნორენის 4-სეზონიანმა გამოძიებებმა უამრავი მაყურებელი ჩაითრია. ხიდი სერიალების ისტორიაში ნამდვილად ახალი სიტყვაა, რომელმაც დაამსხვრია მითი სკანდინავიის ქვეყნების მოწესრიგებულ და დალხენილ ცხოვრებაზე და საზოგადოებას ამ კეთილდღეობის მიღმა არსებული ჭაობი უჩვენა.

სამეფო ჰოსპიტალი

დანიის ულტრათანამედროვე ჰოსპიტალში უცნაური და აუხსნელი მოვლენები ხდება, რის შედეგადაც ექიმები რწმუნდებიან, რომ ჰოსპიტალში, რომელიც ძველ ჭაობზეა აშენებული, მოჩვენება ცხოვრობს… ეს არის საშინელებათა ჟანრის ორ-სეზონიანი მინი-სერიალი, რომლის რეჟისორიც ლარს ფონ ტრიერი გახლავთ.

მთავრობა

პოლიტიკური დრამა მოგვითხრობს პოლიტიკოს ქალზე, რომელიც არჩევნებში მონაწილეობს. ის ყველანაირ წესს არღვევს, უხვევს გეგმებიდან; გადაწყვეტს, უარი თქვას ბინძური მეთოდების გამოყენებაზე და სამართლიანად იბრძოლოს. მოულოდნელად კი დანიის პირველი ქალი პრემიერ-მინისტრი ხდება…

ბრძოლა მძიმე წყლის გამო

ესაა ამბავი ნორვეგიელ დივერსანტებზე, რომლებიც მეორე მსოფლიო ომის დროს ხელს უშლიან გერმანელებს ატომური ბომბის წარმოების გეგმის განხორციელებაში. ნორვეგიულ მინი-სერიალში ისტორია ოთხი მხრიდანაა ნაჩვენები: გერმანელების, მათი მოკავშირეების, კომპანიისა და დივერსანტების.

ნამდვილი ადამიანები

სერიალში აღწერილია ალტერნატიული მომავლის შვედეთი, სადაც მსახურებად რობოტები ჰყავთ. ისინი იმდენად ჰგვანან ადამიანებს, რომ მათი გარჩევა თითქმის შეუძლებელია. მერე კი ბუნებრივად იბადება კითხვა: სინამდვილეში რას ნიშნავს, იყო ადამიანი?

სხვა სკანდინავიური სერიალების ნახვა შეგიძლიათ ამ ლინკზე:

https://net.adjaranet.com/CollectionPage/main?id=111